Main Dil Pe Jabar Karun Ga || Mohsin Naqvi || Urdu Poetry

main dil pe jabar karon ga, tujhe bhula dun ga
marun ga khud bhi tujhe bhi kari saza dun ga

ye teergi mere ghar ka he kiun muqaddar ho
main tere sheher ke sare diye bujha dun ga

hawa ka hath bataun ga har tabahi me
harey shajar se parindey main khud ura dun ga

wafa karun ga kisi sogawar chehrey se
purani qabar pe kutba naya saja dun ga

isi khayal me guzri he sham e dard aksar
ke dard had se barhe ga to muskura dun ga

tu asman ki surat he gir pare ga kabhi
zameen hun main bhi magar tujh ko aasra dun ga

barha rahi hen mere dukh , nishanian teri
main tere khat ,teri taswer tak jala dun ga

boht dinon se mera dil udas he Mohsin
is aainey ko koi aks ab naya dun ga

میں دل پہ جبر کروں گا، تجھے بھلا دوں گا
مروں گا خود بھی ،تجھے بھی کڑی سزا دوں گا

یہ تیرگی میرے گھر کا ہی کیوں مقدر ہو ؟
میں تیرے شہر کے سارے دیے بجھا دوں گا

ہوا کا ہاتھ بٹائوں گا ............ہر تباہی میں
بھرے شجر سے پرندے میں خود اڑا دوں گا

وفا کروں گا، کسی سوگوار چہرے سے
پرانی قبر پہ کتبہ نیا سجا دوں گا

اسی خیال میں گزری ہے شام غم اکثر
کہ درد حد سے بڑھے گا تو مسکرا دوں گا

تو آسمان کی صورت ہے ،گر پڑے گا کبھی
زمیں ہوں میں بھی، مگر تجھ کو آسرا دوں گا

بڑھا رہے ہیں میرے دکھ نشانیاں تیری
میں تیرے بعد تیری تصویر تک جلا دوں گا

بہت دنوں سے میرا دل اداس ہے محسن
اس آئینہ کو میں اب عکس اک نیا دوں گا