اُس نے ہم کو گمان میں رکھا
اور پھر کم ہی دھیان میں رکھا
کیا قیامت نمو تھی وہ جس نے
حشر اُس کی اٹھان میں رکھا
جوششِ خوں نے اپنے فن کا حساب
ایک چوب، اک چٹان میں رکھا
لمحے لمحے کی اپنی تھی اِک شان
تُو نے ہی ایک شان میں رکھا
ہم نے پیہم قبول و رد کر کے
اُس کو اک امتحان میں رکھا
تم تو اس یاد کی امان میں ہو
اُس کو کِس کی امان میں رکھا
اپنا رشتہ زمیں سے ہی رکھو
کچھ نہیں آسمان میں رکھا
جون ایلیا
--------------------------------------------------------
uss ney hum ko gumaan mein rakha
aur phir kam hi dheyaan mein rakha
kya qayamat numoo thi woh jis ney
hashar uss ki uthaaen mein rakha
جوشش khoo ney –apne fun ka hisaab
aik chob, ik chattaan mein rakha
lamhay lamhay ki apni thi ik shaan
too ney hi aik shaan mein rakha
hum ney pihm qubool o radd kar ke
uss ko ik imthehaan mein rakha
tum to is yaad ki Amaan mein ho
uss ko kِs ki Amaan mein rakha
apna rishta zamee se hi rakho
kuch nahi aasman mein rakha
No comments:
Post a Comment